薯仔鱼的畅想天地

     7月10日系学友生日，一年过得真快...今日一早被迫去云港剧院听埋晒乜鬼迎奥运保安全演讲比赛，听到中午匆匆食个烂鬼盒饭就坐空港快线去返工了...成日都明明上夜班都俾人占用埋早上难得的训懒觉时间，仲要冇加班费涡，郁闷死～而且今日喺我本来就好郁闷嘅时候，听闻一个更令我郁闷不已的消息...于是呢个郁闷不已的消息困扰左我成日，经过我一番“理性分析”之后最终俾我一票否决左。

     今日真系多事的一日。平时个炸药探测器测亲野都显示正常，偏偏今日一个看似外籍人士嘅中年男子抱住婴儿来我地呢个好少人行嘅头等舱同工作人员通道嘅时候，测试佢d野居然显示警报，然后一睇旅客资料居然系新疆人！呢个字眼好鬼吓人嘎嘛。。。我从见到佢一个大男人抱住个BB同佢同个BB个样实在好唔似（个BB完全唔鬼嘅。。），就开始怀疑呢个男人系咪咩可疑人物，至少可能系个人贩子，后来佢地话警报响，我就甚至怀疑佢会唔会藏匿炸药之类嘅野喺BB度，或者佢参与过炸药制作，捻左好多个可能，但最后check匀晒佢d野开埋d奶粉来睇都冇发现，领导无奈咁话放人。搞到大家紧张左咁耐，仲要佢一来完，原本唔多人行嘅通道突然又罗工具嘅工作人员又头等舱旅客又特殊旅客一齐来，搞到一堆人塞喺度乱到傻，领导面色比较窿。。。到而家我都仲觉得个男人唔系好人。。。后来我仲死喺度捻，报纸会唔会听日报道关于呢个男人嘅新闻。。。

      到晚上又话要严查某地区人员，万一“好彩”，寻日演练嘅紧急预案就要派上用场。。。搞到远远见到凡系果d样嘅都有d惊恐。。。我唯一记得嘅紧急预案系我要拦腰抱住强行冲入来嘅携带炸弹炸药之类嘅野嘅人。。。寻日我仲喺度话，“一见到d咁人梗第一时间自己走啦，要立功定要活命？当然要命啦～！”于是班长认定我冇机会立功升职。但今日无人行过来嘅时候，自己发藕窦，竟然捻，如果今晚真系有个咁嘅人出现喺度。。。佢地讲笑咁话，“如果真系有，咁今晚大家都唔使训了～”，另一个人话“系大家都训晒了先啱！”
      如果系今晚，可能我会非同寻常地勇敢一野揽实个疑犯。如果我今日真系就咁“训”左，呵呵。。。会唔会比较好？咁我就永远无可替代了，呵呵。。。然后捻起Grey's Anatomy嘅女主角Meredith Grey冒死帮个伤者从佢身上移走炸弹果幕，同佢救人嘅时候跌落水溺水但唔自救果幕，捻起佢嘅心理医生话佢有自杀倾向。。。我应该唔会有咁嘅心理问题挂。。。