薯仔鱼的畅想天地

    如果有人問我，最討厭嘅月份系幾時，我捻我會話系七月。
    因為我嘅生命中，似乎七月總要發生大喜大悲嘅事。
    六月嘅最后一日，心情同個天一樣都系比較陰郁。

    尋日同認識大概八年但素未謀面的。。。姑且稱為筆友啦，因為最初認識系筆友來嘅。。。大我四年嘅。。。姑且叫哥哥啦，因為當年我確實覺得系個大哥哥。。。同佢煲左陣電話粥，講笑咁話，好似有個隱形嘅阿哥咁。突然佢講左句，“覺得你而家d性格好似變左d咁。”我愕然，系咩？我以為自己一直冇點變。然后佢話，覺得我而家保護色重左，過多幾年應該會更加重。哦？系咩？我又唔系好覺。。。但后來細想，發現自己真系好多捻法，同高中同大一大二甚至同幾個月前都好唔同了。。。人總會成長吧，跌得越痛成長得越快吧，從咁嘅角度睇，年輕嘅時候跌多d系好事來嘅，流d眼淚流d血過一排傷口總會愈合，又可以邁開大步繼續上路了。

    畢業真系一件好令人傷腦筋嘅事情，從揾實習到論文到揾工再到畢業離校同簽約，一堆麻煩野未停過。終于等來一個不知所謂的畢業禮了，以為畢業證到手了一切就可以劃上休止符了，又竟然被告知未摞得住，我山長水遠翻去根本就好似靜系去睇人地畢業咁，仲要睇唔到果d人喔幾乎。學校連一個稍為美好的最后印象都吝嗇，真系無話可說。一生人一次嘅大學畢業禮，好無奈我一點感覺都冇，只有翻到空蕩蕩的宿舍，先有“我地真系畢業了，唔知幾時再見了”嘅感覺。。。

     畢業了，我唯一留下同廣工有關的東西，大概只有我的畢業證同飯卡同一張唔屬于我嘅借書證了，仲有印多左果份耗盡我精力嘅畢業論文。廣工有咩值得留戀嘅呢？好似真系冇乜了。。。十年后如果我故地重游，我會唔會看到我留下的痕跡呢？
     唔知點解，已經有恍如隔世嘅感覺。。。四年前入大學嘅時候我喺心里面預言嘅野靈驗了，而家我又有一個未來三年嘅預感，我希望唔會又靈驗。。。如果又靈驗嘅話，God你實在對我太唔厚道了。。。


     今日有人問了我一個“如果。。。你會點”的問題。當時我話，“又未試過點知點，而且我可以點”。呵呵。認真捻下，我捻我一定會難過，然后有可能從此少了一個知心的好友。呵呵。當然，具體情況具體分析啦，唔系全部適用。