薯仔鱼的畅想天地

    今日系哥哥大喜日子，唔系，寻日嘅事了涡。呵呵。
    心情从早上出门就开始郁闷，唔系因为“我暗恋我哥而佢要结婚”呢d咁嘅陈旧桥段...
    而系因为一个更肤浅嘅原因...我d皮肤问题又发作了...好难受...心情好唔起来...即使喺哥哥屋企见到还算养眼嘅伴郎，依然觉得乌云密布...当然仲有一个更深层嘅原因，就无谓多讲了...

    席间，免不了又讨论起下一个轮到weiweiwei嘅婚礼了。表姐话，“佢果餐我惊饮唔落...”我愕然，啊？点解呢？原来系话，饮紧佢果餐嘅时候，大家就会将矛头指向佢同我...我冇捻到咁远...不过，又真系涡...越大，参加嘅婚礼越多，越多就越发觉，两个问题：“我都唔知系咪嫁得出嘅...结婚真系好麻烦啵...”，仲有一个问题，就系点解好似所有新娘都好靓？会唔会到我嘅时候， 我就打破呢个规律了呢？唉～～～但遥遥无期呢...

    呢个系第一个我参加嘅令我有感动到想流眼泪嘅时刻嘅婚礼。之前我一直期待，同高俊嘅婚礼咁，都有疯狂嘅游戏来取悦下观众。但今次，冇花言巧语，冇游戏助兴，好简单好简单。但系，却感受到充满诚意嘅爱。诚意，冇错，系呢个词。
    
    哥哥话，“之前惊唔知得唔得唔敢当众求婚，喺海南同佢求婚。但今日，我想喺呢度咁多人面前再求多一次婚。”然后对阿嫂跪低， “我爱你！嫁俾我啊！我会俾你幸福！”
     好似好俗嘅台词，一d都冇个性咁。但，喺呢d时候，原来唔需要个性，只需要将心里面最想表达嘅野简单表达出来，已经好触动人心。听人哋求婚，原来都会好感动好感动...还是我喺度感伤？应该感动多d吧，因为果个系哥哥。

    翻到屋企十点了，好攰好攰。
    好想分享呢一切，但只想同有兴致听我讲嘅人分享，即使捱更抵夜也在所不惜。有兴致听我讲嘅人自然会问我今日点吧？冇兴致听嘅人，即使我讲得再动听都系一段废话。

    懂么？ 
    爱，要有诚意，要懂得分享。